हुम्लामा साँघु तर्ने क्रममा नदीमा खसेर दुई जना बेपत्ता

२९ साउन, सिमकोट । हुम्लामा काठको साँघु तर्ने क्रममा चिप्लिएर नदीमा खस्दा दुई जना बेपत्ता भएका छन् । ४२ वर्षीय जस्या रावल र १६ वर्षीया  सुनिता रावल नदीमा खसेर बेपत्ता भएको प्रहरीले जनाएको छ ।

हुम्लाको खार्पुनाथ गाउँपालिका–२ थाली र बाजुराको कवाडी सीमाक्षेत्रमा अवस्थित यार्बाबाट उनीहरु बेपत्ता भएको जनाइएको छ । उनीहरु बाजुराको वन क्षेत्रमा जडीबुडी सङ्कलन गर्न जाने क्रममा बुधबार साँझदेखि बेपत्ता भएको स्थानीयवासी तारा रावलले जानकारी दिइन् । हराइरहेकाहरुको खोजी जारी रहेको उनको भनाइ छ ।